هو انا مش ليك
ولا لامس إيديك
أمال ليه بتخبي في عنيك
ده انت الحب وانا ليك
انت البسمه وانا شفاتيك
ده انا سامع أغانيك وغناويك
فالحب سارح وبالحب فالح
القدر سامح وانت جارح
العمر طويل وانت قنديل
تنور بيه الدنيا طب ليه تخبي
شوفت الحب قولت وانا مالي
شوفت إحساسي العالي
قولت مانا غالي
الحب مفهوش عالي ولا غالي
الحب إحساسك العالي
حب وكن بالحب مداس
ودوس على كل الناس
الناس إللي واقفين قصادك
وإللي منهم خالك
إللي قال بلا حب بلا لعب عيال
حب من جديد وكن للحب وليد
بس حاسب لمن الحب تتحاسب
ويقولو عليك ولد فاسد
ويلموك بيه وتتحاسد
الحب مش كلمة تتقال
الحب موزون بالأفعال
لو حبيت بجد
تقدر تتحدى أي حد
الحب إحساس بيعلموه كل الناس
الحب شجرايه
تتعاد تحتها ألف حكاية
الحب مش كلام وأقوال
الحب إحساس وأفعال
حب كمن يحب نفسه
ولا حد فيه ينفسه
وبتقولو لعب عيال
ده الحب شيئ فوق الخيال
فسيبك من كلام الخال
وحب ياخيال
" غريب النمر "
9_9_2011
5:30
ليست هناك تعليقات:
إرسال تعليق